منتدى نديمه الوقت
اهلا وسهلا بزوار منتدى نديمه الوقت
أنت لم تقم بتسجيل الدخول بعد! يشرفنا أن تقوم بالدخول أو بالتسجيل إذا رغبت بالمشاركة في المنتدى
منتدى نديمه الوقت


 
الرئيسيةالبوابةالتسجيلدخول
بحـث
 
 

نتائج البحث
 
Rechercher بحث متقدم
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 7 بتاريخ الخميس فبراير 16, 2012 10:21 pm
المواضيع الأخيرة
عددالزوار منتدى نديمه الوقت

.: عدد زوار المنتدى :.


شاطر | 
 

 مريض بالمستشفى كل ما يطلع أحد من عنده يـضحك .. (( قصة طريـفة و واقعيـة ))ـ‎

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نديمه الوقت
الادارة العامة
الادارة العامة
avatar

عدد المساهمات : 617
تاريخ التسجيل : 01/01/2010
العمر : 27

مُساهمةموضوع: مريض بالمستشفى كل ما يطلع أحد من عنده يـضحك .. (( قصة طريـفة و واقعيـة ))ـ‎   السبت ديسمبر 04, 2010 5:41 pm

جلس ذلك الرجل على السرير الأبيض ... في إحدى المستشفيات





وكان كل جسمه شاش ورجلينه كلها جبس
وما تسمع إلا الآهات
ماغير يحن ويون من الأوجاع اللي فيه
عاد أنا قلت يمكن إنه مسوي حادث قوي
أو إنه محترق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
وعلى هالحال كل من جاء وسلم عليه ما تسمع إلا ضحكهم من وراء الستاير

أنا قلت لازم أعرف وش السالفه ...
انتهى وقت الزياره
وأنقز له على طول !
وأتشافا له وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . وغصت في أعماق أعماق نومي ،
حلمت اني في يوم القيامه ! وحلمت مثل ما تقول ان الناس في مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلان باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه..وليـش توديني النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف يا ملعون ، وقف يا ملعون .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : يا ملعون وقف !!! أبي أنزل

قال : والله الباص هذا مبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش





!





هههههههه



القصة حقيقيه ... وحصلت لواحد كان منوم في مستشفى







دخيلكم تعوووذووووا من إبليس قبل تنامون







ولا تنسوون الاذكار






^^







الله يحفظكم و جعلكم بالجنة يااااااااااااااااا رب




_________________
الرجوع الى أعلى الصفحة اذهب الى الأسفل
http://snst7099.bbgraf.com
بنت الغربيه
مشرفه
avatar

عدد المساهمات : 50
تاريخ التسجيل : 19/04/2010

مُساهمةموضوع: رد: مريض بالمستشفى كل ما يطلع أحد من عنده يـضحك .. (( قصة طريـفة و واقعيـة ))ـ‎   الجمعة ديسمبر 10, 2010 9:35 pm

هئهئهئهئهئهأأأأي حلووه>بس تبين الصدق قصه مبالغ فيها صدقيني موب واقعيه حسيتها فلم هندي موب حلم عموماا يسلموعلئ القصه
الرجوع الى أعلى الصفحة اذهب الى الأسفل
مرسول الحب



عدد المساهمات : 1
تاريخ التسجيل : 18/12/2010

مُساهمةموضوع: رد: مريض بالمستشفى كل ما يطلع أحد من عنده يـضحك .. (( قصة طريـفة و واقعيـة ))ـ‎   الأربعاء ديسمبر 22, 2010 1:20 pm

مشكوره على القصه



مره مره حلوووووه
الرجوع الى أعلى الصفحة اذهب الى الأسفل
نديمه الوقت
الادارة العامة
الادارة العامة
avatar

عدد المساهمات : 617
تاريخ التسجيل : 01/01/2010
العمر : 27

مُساهمةموضوع: رد: مريض بالمستشفى كل ما يطلع أحد من عنده يـضحك .. (( قصة طريـفة و واقعيـة ))ـ‎   الأحد ديسمبر 26, 2010 4:24 pm

بنت الغربيه

الله يسلمك حبيبتي
مرسول الحب
العفوا

_________________
الرجوع الى أعلى الصفحة اذهب الى الأسفل
http://snst7099.bbgraf.com
 
مريض بالمستشفى كل ما يطلع أحد من عنده يـضحك .. (( قصة طريـفة و واقعيـة ))ـ‎
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى نديمه الوقت :: المنتدي الثقافي :: قصص والرويات-
انتقل الى: